Понедельник, 22.10.2018, 03:17
Приветствую Вас Гость | RSS

Маттинская СОШ имени Е.Д.Кычкина

Ссылки

    новости

    Устудьуоннар этэрээттэрэ ыалдьыттаатылар

    Кулун тутар 25 күнүгэр Саха сиригэр бастакытын ыытыллар «Снежный десант” диэн акция Мэҥэ – Хаҥалас улууһун Матта нэһилиэгиттэн саҕаланна . Ол күн биһиэхэ Уус – Алдан улууһун Бэйдиҥэ, Мэҥэ –Хаҥалас улууһун Балыктаах орто оскуолаларын активист оҕолоро кэлэн ыалдьыттаан бардылар. Биһиги бу күммүтүн педагогическай уонна строй этирээт устудьуоннара кэлэн киэргэттилэр.Строй этирээт устудьуоннара нэһилиэнньэҕэ улахан көмөнү: кырдьаҕастарга хотон, буллус, ампаар хаарын уонна мас саһааннаан көмөлөстүлэр. Олохтоохтор үөрүүлэрэ, махталлара муҥура суох.

    Антоева Александра Альбертовна салайааччылаах этэрээт устудьуоннара сүбэ – ама биэрдилэр, араас боппуруостарга эппиэттээн, олус интэриэһинэй оонньуулары оонньотон оҕолор олус дуоһуйа сынньаннылар, астыннылар, элбэх доҕоттордоннулар.

    Биһиги 3 хамаандаҕа арахсан таһырдьа араас интэриэһинэй, сонун оонньуулары оонньообуппут. Ол кэнниттэн, киэһэ 17:00 чаастан нэһилиэк дьонугар – сэргэтигэр кэнсиэр көрдөрбүттэрэ. Бары да олус талааннаах, бииртэн биир нүөмэр дьон, оҕолор болҕомтолорун тардыбыта. Кинилэри кытта киһи эрэ тэҥҥэ ыллаһыах, үҥкүүлэһиэх курдуга. Кэнсиэр кэннэ оскуолабыт директора Антонина Тимофеевна Находкина махтал суруктары, өйдөбүнньүк бэлэхтэри туттарбыта уонна махтал тылларын эппитэ.

      Айта Максимова 11 кыл.үөрэнээччитэ

     

     

     

     

     

     

     

     

     

     

     

     

     

     

     

    «Мөҥүрүөннэр” кинигэ сүрэхтэниитэ Кулун тутар 12 күнүгэр Мөҥүрүөн нэһилиэгэр умнуллубат, кэрэ бэлиэ күн буолан ааста. Мөҥүрүөн нэһилиэгин ытык – мааны киһитэ Егор Александрович Захаров өр сылларга сыралаһан, үгүс дьону кытта кэпсэтэн, архыыптарга хасыһан улэлээбитин тумугэ «Мөҥүрүөннэр» диэн олус наадалаах, туһалаах кинигэтин сурэхтэниитэ – биһирэбил туһулгэтэ ыытылынна. Кинигэ сүрэхтэниитэ олус истиҥ, сылаас, киһини долгутар ураты эйгэлээх буолла. Бу тэрээһиҥҥэ нэһилиэк олохтоохторо эрэ буолбакка Дьокуускай куораттан, Майаттан, Хаандыгаттан тиийэ ыалдьыт бөҕө кэлэн эҕэрдэҕэ, кэпсэтиигэ кыттыһан дуоһуйа сынньанан бардылар. Оскуола спорт саалатыгар олохтоох нэһилиэк библиотеката уонна оскуола үлэһиттэрэ, музей салайааччыта бэлэмнээбит нэһилиэк, дьонун-сэргээтин туһунан кинигэ быстаапкалара, «Төрүччү» научнай-практическай кэмпириэнсийэ кыттыылаахтарын үлэлэрэ ыалдьыттар болҕомтолорун тарта. Бастатан туран, өбүгэлэрбит сиэрдэринэн аал уоппутун арыылаах алаадьынан айах тутан, үрүҥ сылгы сиэлинэн сыт таһааран, алгыс этэр туом толорулунна. Егор Александрович Захаров өр сыллаах үлэтэ түмүктэнэригэр күүс – көмө буолбут кыыһа Валентина Егоровна буолар, бу күн киниэхэ эмиэ улахан суолталаах, улахан үлэтин, сыратын түмүгэ буолар. Кини үлэтэ эмиэ улаханнык сыаналанна, киниэхэ элбэх махтал, истиҥ тыллары анаатылар. Оскуола спорт саалатыгар толору мустубут дьон иннигэр Егор Александрович уонна Валентина Егоровна кинигэ хайдах оҥоһуллубутун, туох ыарахаттары көрсүбүттэрин, атын элбэх түгэни олус кэрэхсэбиллээхтик кэпсээтилэр уонна кинигэ иккис чааһа хомуллан тахсарын туһунан этэннэр мустубут дьону үөртүлэр. Ыраахтан кэлбит ыалдьыттары оскуола улэһиттэрэ үөрэ-көтө көрүстүлэр, сылаас тотоойу аһынан уонна итии чэйинэн утах тутан ыалдьыттарын уһун айантан сылайбыттарын таһааран үөрүүлэрин үксэттилэр.Үөрүүлээх тэрээһин Матта орто оскуолатыгар буолбута .Ыҥырыылаах ыалдьыттар тыл этэллэрин быыстарыгар «Мөҥүрүөннэр» кинигэни туһанан төрүччүлэрин оҥорбут оҕолор кылгастык кэпсээтилэр уонна Егор Александровичка махтал тылларын этэннэр Егор Александровиһы олус долгуттулар, үөртүлэр. Кинигэ туһунун кылгастык билиһиннэрэр буоллахха С.Г.Дмитриева дьоҥҥо-сэргэҕэ өйдөнүмтүөтүк, үрдүк таһымнаахтык оҥордо. 2016 сыл бутэһигэр ИП М.П.Лыткина «Сайдам» издательствотын иһинэн Новосибирскай куоракка «ДЕАЛСИБ» тэрилтэҕэ бэчээттэнэн таҕыста. Хомуйан оҥорорго Егор Александрович кыыһа Валентина Егоровна Захарова көмөлөстө. Кинигэ күн сирин көрөрүгэр күүс-көмө буоллулар: «Мэҥэ-Хаҥалас улууһа» муниципальнай оройуон дьаһалтата, «Мөҥүрүөн нэһилиэгэ» муниципальнай тэриллии дьаһалтата, «Комдрагмет» акционернай общество генеральнай директорын маҥнайгы солбуйааччы А.Е.Кычкин, Октябрина Афанасьевна Борисова, Спиридон Анатольевич Куприянов, Анна Ильинична Дунаева, Екатерина Семеновна Попова. Компьютерга таҥан оҥорорго Захарова Анна Михайловна, Павлова Тамара Егоровна көмөлөстүлэр. Тираһа 500 экземпляр, 271 страницалаах, глянцевай тастаах. Өбүгэлэрбит өйдөбүллэринэн киһи кута харыйаҕа туһэр, харыйа үүнэн турара төрүт сири-уоту, төрдү-ууһу бэлиэтиир. Ол иһин хатыҥынан тулаламмыт тыаҕа харыйа уруһуйдаах. Кинигэ киирии тылын кэнниттэн Матта гимнэ буолбут Республикатааҕы санаторнай-лесной оскуолаҕа улэлээбит Николай Егоров тылларыгар, биир дойдулаахпыт Д. С. Захаров мел. «Хатыҥнаах арыы» ырыа киллэриллибит. Сүдү киһини кинигэ сурэхтэниитинэн эҕэрдэлии кэлбиттэр: Улуус үөрэҕин управлениетын салайааччыта Черкашина И.В, Саха сирин генеология институтун директора К.И.Аргунов,оройуон депутаттарын Сэбиэтин председателэ А.М.Находкин, эркээйи хаһыат корреспондена Птицына М.И., «Бэлэм буол+” хаһыат редактора Иринцеева Е.С. , бииргэ үөскээбит, үлэлээбит, алтыспыт үөлээннээхтэрэ,биир дойдулаахтара, аймах уруу дьоно, оҕолоро, сиэннэрэ ыалдьыттан, махтал тылларын, э5эрдэлэрин этэн бардылар. Үөрүүлээх тэрээһиҥҥэ «Ымыычаан» ырыа ансаамбылын оҕолоро, оскуола коллектива, Семен Ченянов, Рустам Аталларов ыллаан – туойан олус киэргэттилэр. Үөрүүлээх чааһа түмүктэммитин кэннэ мааны астаах сандалыга ыалдьыттары ыҥыран ирэ – хоро кэпсэтэн, санаа атастаһан, дуоһуйа сынньанан ыалдьыттар бары сүргэлэрэ көтөҕүллэн, үөрэн-көтөн тарҕастылар. Матта орто оскуолатын саха тылын учуутала Петухова Лилиана Николаевна Эксээмэннэр саҕаланнылар!

                               Быйыл оскуоланы бүтэрээччилэр саамай эппиэтинэстээх кэмнэрэ тиийэн кэллэ. Сылы быһа консультацияҕа, репетиторга сылдьан бэлэмнэннилэр. Үгэс курдук, эксээмэннэр саха тылыттан саҕаланнылар.

    Ыам ыйын 17 күнүгэр 11-с кылаас үөрэнээччилэрэ саха литературатыгар өйтөн суруйуу суруйдулар. Бэриллибит 5 араас тиэмэттэн бэйэлэрэ сөбүлүүлэрин талан, өйдөрүн, билиилэрин, санааларын сааһылаан суруйдулар. онтон, ыам ыйын 18 күнүгэр 9 кылаас үөрэнээччилэрэ саха тылыгар аахпыттан суруйдулар. Бэриллибит тиэкиһи истэн, тугу өйдөөбүттэрин сааһылаан илиискэ түһэрдилэр.

    Салҕыы, математика уонна нуучча тылын биир кэлим эксээмэнин суруйаллар. Ол кэннэ, бэйэлэрэ туттарсар үөрэхтэригэр туһааннаах, талан ылбыт предметтэригэр эксээмэн туттарыахтара.

    Оскуоланы бүтэрээччилэрбитигэр ситиһиилэри баҕарабыт!

    Кыайыы параада

                              Ыам ыйын 7 күнүгэр Матта нэһилиэгин олохтоохторо бука бары парадтыы таҕыстылар. Күн-дьыл төһө да тымныыһын иһин оҕо-аймах тоҕуоруһа мустубут. Дьон Халдьаайыттан Кыайыы памятнигар диэри парадтаан кэллилэр. 1 кылаас коллектива киэргэппит массыынатын, 5 кылаас үөрэнээччилэрэ оҥорбут тыраахтарга иилиллэр таанкатын уонна 6 кылаас оҥорбут самолетун дьон ордук сэҥээрдэ. Нэһилиэк кырдьаҕастарын уонна тыыл бэтэрээннэрин чиэстээтилэр. Ситиһиилээх үөрэнээччилэргэ бэлэх туттартаатылар. Онтон “Созвездие” фестиваль кыайыылаахтарын уонна нэһилиэк уус-уран самодеятельноһын кэнсиэрин көрдүбүт. 

    Оскуола дириэктэрэ А.Т. Находкина үҥкүү уонна ырыа куруһуоктарын салайааччыларын үтүө түмүктээх үлэлэрин көрөн хайҕаата. Хоһоон ааҕар уолаттары өссө үчүгэйдик чочуйуохха наадатын эттэ.

    Технология учуутала Нь.П. Стручков бэлэмнээбит үрдүкү кылаас үөрэнээччилэрин строевой хаамыытын көрөн дьэн-сэргэ  сэҥээрдэ. “Полевой кухняны” тэрийбиттэрэ оҕо-аймаҕы өссө үөртэ. Тото-хана гречка хааһы сиэн уонна итии чэй иһэн дьон-сэргэ тоҥмута ааспыкка дылы буолла.

    Эбиэттэн киэһэ түөлбэнэн сүүрүү күрэҕэ буолла. Манна түөлбэ кыайыылааҕынан ааттанна. Бириис туттарылынна.

     

    Кылаас таһынааҕы дьарыгы көмүскээһин

                              Оҕолор кылаас таһынааҕы дьарыкка сыл устата туохха үөрэммиттэрин, тугу сатыыр буолбуттарын отчуоттуур тэрээһин буолла. Кылаас таһынан дьарыгы уопсайа 15 учуутал ыытарыттан, ритмиканы уонна вокал дьарыгын “Созвездие” фестивальга дьүүллүүр сүбэ көрөн сыаналаабыттара. Онон, бүгүҥҥү тэрээһиҥҥэ 13 учууталы иһиттибит.

     “Азбука нравственности” диэн Ксенофонтова М.Е. ыытар дьарыгар 1 кылаас үөрэнээччилэрэ быраабылалаах кинигэ уруһуйдаан оҥорбуттар. 2-с кылаас үөрэнээччитэ Куличкина Василена айылҕаҕа бөҕү хайдах аҕыйатар туһунан билиитин үллэһиннэ. Онтон 5-с кылаас үөрэнээччилэрэ үчүгэй майгы, чиэһинэй буолуу туһунан тэттик киинэлэри устубуттарын көрдөрдүлэр. “Логоска” оригамины уонна тылы сайыннаран эрчиллиилэри оҥороллорун кэпсээтилэр.

    “Дуобат” дьарыгар Николаева А.Н. начальнай кылаастарга дуомат кистэлэҥнэрин үөрэппитэ, номнуо кэккэ ситиһиилэммиттэр. “Дуобат уонна саахымат” диэн Чемезова М.Г. ыытар дьарыгар 5-с кылаас үөрэнээччилэрэ Андросов Радик уонна Тарасов Миша араас комбинацияттан хайдах тахсары оонньоон көрдөрдүлэр.

    Шепеткина Е.А. “Часы чтения” дьарыгар Протопопов Саня саха уонна нуучча суруйааччыларнын айымньыларын үөрэппиттэр. Петр Тобуруокап айымньыларын ааҕан баран уруһуйдаабытын көрдөрдө. Куличкина И.Н. ыытар “Неболейкатыгар”  Слепцов Дьулус былырыыҥҥы үөрэх дьылыгар ыалдьан наһаа элбэх күнү көтүппүтүн ааҕан таһаарбыт. Ол иһин, быйылгы үөрэх дьылыгар бэйэни хайдах харыстаныы туһунан интэриэһиргээн үөрэппит. Григорьева П.И. “Секреты речи” дьарыгар Кычкина Диана өс хоһооннорун үөрэппитин туһунан кэпсээтэ. Кычкин Ян уонна Андросова Амина “Роботехника” Григорьева А.А. ыытар дьарыгар туохха үөрэммиттэрин бэйэлэрин тылларынан сиһилии кэпсээтилэр. Стручкова М.Х. ыытар “Умелые руки” дьарыгар кыра кылаастарга оҕуруонан сибэкки дьөрбөтүн тиһэн оҥорбуттарын көрдөрдүлэр. “Мой английский” диэн Михайлова Н.А. дьарыгар Петрова Камила дьиэ кэргэнин туһунан англия тылынан кэпсээтэ. Шергина Л.П. ыытар “Моя речь-мое достоинство” дьарыгар 5 кылаас үөрэнээччилэрэ “Заповедник сказок” диэн остуоруйаны ааҕан баран хайдах харахтарыгар көрөллөрүнэн уруһуйдаабыттарын көрдөрдүлэр уонна өйдөрүттэн нууччалыы наһаа үчүгэйдик кэпсээтилэр.

    Бу курдук, оҕолор сыл устата эбии дьарыкка иҥэриммит билиилэрэ, сатабыллара  бэйэлэригэр туһалааҕын уонна кэлэр үөрэх дьылыгар эмиэ бу курдук дьарыктанар баҕалаахтарын эттилэр.

    Маттаҕа “Азия оҕолорун” оонньууларын уота

                                “Азия оҕолоро” норуоттар икки ардыларынааҕы спортивнай оонньууларын уота Үөһээ Дьааҥы Киһилээх Хайатыттан саҕалаан, Саха сирин хас биирдии бөһүөлэгин кэрийэн, Дьокуускай куоракка от ыйын саҥатыгар тиийиэхтээх.

    Ыам ыйын 6 күнүгэр “Азия оҕолорун” уота Матта бөһүөлэгэр кэллэ. Бу улахан тэрээһини көрөөрү нэһилиэк олохтоохторо тоҕуоруһа мустубуттар. Уоту Матта оскуолатын бастыҥ спортсменнара Местникова Белла, Бурнашев Вася, физкультура учуутала Гоголев В.Д. уонна нэһилиэктэн Данилова И.И. арыаллаан аҕаллылар. Уоту спорт бэтэрээнэ Н.П.Свинобоев-Тэрэлээй уонна нэһилиэк баһылыга Андросов И.И. туттулар.

    Тэрээһиҥҥэ оскуола үөрэнээччилэрэ, “Ымыычаан” ырыа ансаамбыла уонна “Доруобуйа” кулууп актыыбыыстара бэйэлэрин эҕэрдэлэрин тиэртилэр. Баҕалаах дьон “Азия оҕолоро” уотун кытта өйдөбүнньүк хаартыскаҕа түстүлэр.

     

     

     

    “Ааллаах үүн”

                       Ыам ыйын 5 күнүгэр ыытыллыбыт “Ааллаах үүн” научнай ааҕыыларга Матта орто оскуолатыттан Максимова Айта уонна Скрябин Виталий баран кыттан кэллилэр. Сэрии кэнниттэн Охотскай муораҕа диэри көмүс хостооччуларга таһаҕас таһыы үлэтигэр сылдьыбыт дьон туһунан кинигэ тахсыытыгар анаан бу ааҕыылары тэрийэн ыыттылар. Дьүүллүүр сүбэ үс секциянан үлэлээн, кыайылаахтары быһаардылар. Ол түмүгүнэн 10-с кылаас үөрэнээччитэ Максимова Айта 2 степеннээх дипломунан наҕараадаланна. Матырыйаал төһө да аҕыйаҕын иһин, оҕолор үлэлэрэ толору уонна саҥалыы буоларыгар кыһаллан, сүүрэн-көтөн бэлэмнээбит Кычкина Галина Федотовнаҕа оҕолор да, учууталлар да, төрөппүттэр да махталлара муҥура суох.

     

    Дьиэ кэргэҥҥэ аналлаах кылаас чаастара

                       Ыам ыйын 13-14 күннэригэр Матта орто оскуолатын бары кылаас салайааччылара аһаҕас кылаас чаастарын ыыттылар. Бу тэрээһин уратыта – төрөппүтү төһө кыалларынан көҕүлээһин, төрөппүтү кытта үлэни күүһүрдүү. Хас биирдии кылаас чааһын эрдэттэн анаммыт дьүүллүүр сүбэ сыаналаата. Араас Бары кылаас салайааччыта үчүгэй бэлэмнээхтэрин көрдөрдүлэр. 

     

    “Созвездие” фестиваль

                        Фестивальга быйыл үөрэнээччилэр икки бөлөххө арахсан кытыннылар. Маҥнайгы бөлөххө алын сүһүөх үөрэнээччилэрэ, иккис бөлөххө 5-11 кылаас үөрэнээччилэрэ киирдилэр.

    Муус устар 26 күнүгэр алын кылаастар кэнсиэрдэрин көрдөрдүлэр. Алын кылаас үөрэнээччилэрэ бэйэлэрин кыахтарынан

    Муус устар 30 күнүгэр улахан кылаастар кэнсиэрдээтилэр. Сүрдээх үчүгэй нүөмэрдэри көрөн баран анал хамыыһыйа бу курдук түмүгү таһаарда:

    Кыра кылаастарга хор “Айыы кыһата”, үҥкүү “Зажигайка”, ансамбль девочек “Таммахтар”, 

    “Улыбайся” трио сыаналаннылар. Уһулуччу үчүгэй нүөмэринэн Кудинова Жанна хомуска оонньооһуна ааттанна.

    Орто сүһүөххэ уонн үрдүкү кылаастарга дуэт “Оҕо саас”, “Бруно Марс” пародията, “Ыйы сиэбит 

     

    уол” сценка, фитнес сыаналаннылар. Кыайыылаҕынан Шепеткина Вика тойуга буолла.

     

     

     

    Маттабыт ыраас буоларын туһугар...

                          Матта олохтоохторо, оскуола оҕотунуун, үлэһитиниин, кырдьаҕаһыныын бука бары үс төгүл буолбут субботникка көхтөөхтүк кыттан нэһилиэк чыҥха сырдаабыкка, сэргэхсийбиккэ дылы буолбут. Ол курдук, муус устар 22 күнүгэр оскуола оҕолоро уонна үлэһиттэрэ нэһилиэги бүтүннүү кэрийэ сылдьан улахан бөҕүттэн ыраастыы тахсыбыппыт. Муус устар 29 күнүгэр олорор түөлбэбитин хомуйдубут. Бөҕү барытын куулга хаалыы-хаалыы суол кытыытыгар туруортаан испиппит. Ыам ыйын 4 күнүгэр үөрэнээччилэр уонна үлэһиттэр оскуола таһын ыраастаатыбыт. Субботниктарга бары көҕүнэн тахсан үлээбиппититтэн сүрдээх астынныбыт. “Норуот күүһэ – көмүөл күүһэ” диэн өс хоһооно этэринии, элбэх киһи туох даҕаны үлэни тулуппат эбит диэн түмүккэ кэллибит. Олорор сирбит ыраас буоларын туһугар уонна сири киртиппэт буолуу – хас биирдии киһи эбээһинэһэ буолар.

     

     

    Уопсай төрөппүт мунньаҕа

                         Муус устар 27 күнүгэр оскуола үөрэнээччилэрин төрөппүттэрэ кыттыылаах улахан мунньах буолан ааста. Мунньах көрүллэр боппуруостарынан наарданан түөрт туһунан секциянан ыытылынна. Төрөппүттэр интэриэһиргиир секцияларыгар киирэн туһааннаах ыйытыыларын биэрдилэр. Оскуола дириэктэрэ Антонина Тимофеевна, бэйэтин былаанын уонна этиилэрин билиһиннэрдэ.

     

    “Самый читающий класс”

                         5, 6, 7 кылаас оҕолоругар сыл ахсын ыытыллар “Ааҕар кылаас” бырайыак иһинэн ыытыллыбыт тэрээһин буолан ааста. Бу тэрээһиҥҥэ сыл ахсын Матта орто оскуолатын үөрэнээччилэрэ куруук ортоку күөҥҥэ сылдьаллар.

    Сайыҥҥы сынньалаҥҥа ааҕарга анаан бэриллибит айымньылары бэрэбиэркэлиир улуустааҕы күрэххэ 6-с кылаас үөрэнээччилэрэ I-кы миэстэ, 7-с кылаас үөрэнээччилэрэ III-с миэстэ буолары ситиспиттэрэ.

    Сыл устата ааҕарга бэриллибит айымньылары бэрэбиэркэлииргэ урукку курдук ыйытыыларга хоруйдааһын буолбакка, бэриллибит эппиэттэртэн талан ылыы форматынан ыытылынна. Бу да сырыыга үөрэнээччилэр үчүгэй бэлэмнээхтэрин көрдөрдүлэр. Улуустааҕы уопсай көрдөрүү түмүгүнэн Матта орто оскуолата ортоку күөҥҥэ сылдьар.

     

     “Сир күнэ”

                     Муус устар 18-23 күннэригэр Сир күнүгэр аналлаах география уонна экология нэдиэлэтэ буолан ааста. Бу тэрээһин чэрчитинэн “Биһиги уонна айылҕа” презентация, “Доходы из отходов” бэйэ оҥоһуктар быыстапкалара, “Оскуола былааҕа” уруһуй, “Брейн-ринг” курдук күрэхтэр ыытылыннылар.

    Нэдиэлэ түмүгүнэн 5 кылаас үөрэнээччилэригэр актыыбынай кыттыыларын иһин “Самый сплоченный класс” диэн номинацияны иҥэрдилэр. Дьүүллүүр сүбэ биирдиилээн кыттааччыларга анал номинациялары, кыайыылаахтарга грамоталары уонна бириистэри туттартаата.

     

    Чугуновские чтения

                     Муус устар 14 күнүгэр Хаптаҕай нэһилиэгэр улуустааҕы аһаҕас “Чугуунап ааҕыылара” ыытылынна. Ааҕыыларга Мэҥэ-Хаҥаластан эрэ буолбакка, Чурапчы, Уус-Алдан улууһуттан уонна Дьокуускай куораттан уопсайа 141 кыттааччы кэлбит. Дьүүллүүр сүбэ 11 секциянан үлэлээн хас биирдии  бастыҥнары быһаарда. Матта оскуолатыттан 5-с кылаас үөрэнээччилэрэ Андросов Радик “Мин нэһигиэгим” диэн секцияҕа, Трифонов Андрей “Биология” секцияҕа ситиһиилээхтик кытынна. “Тыа хаһаайыстыбатыгар экономика уонна бизнес” диэн секцияҕа Находкин Андрей 1-кы степеннээх дипломан буолары ситистэ.

     

    Операция “Ойбон”

                        Нэһилиэк олохтоохторо бука бары кыһын устата уу баспыт, сүөһүлэрин уулаппыт ойбоннорун ыраастыы таҕыстыгар. Бу - нэһилиэк аһаан, иһэн олорор уута ыраас буоларын туһугар сыл ахсын ыытыллар үлэ.

     

    “Төрөппүт форума”

                         Дьокуускай куоракка Өрөспүүбүлүкэ таһымнаах уопсай төрөппүт мунньаҕа буолан ааста. Бу тэрээһиҥҥэ биһиги нэһилиэктэн интэриэстээх төрөппүттэр көхтөөхтүк кытыннылар.

     

    “Мэҥэ-Хаҥаласка ХИФУ күннэрэ”

                       Аллараа-Бэстээххэ Тимир суол техникумугар ыытыллыбыт Хотугулуу-Илиҥҥи Федеральнай университет күннэрэ буолан ааста. Матта орто оскуолатын бүтэрээччилэр уонна 10 кылаас үөрэнээччилэрэ Саха сирин саамай бөдөҥ үрдүкү үөрэх кыһатыгар туох-ханнык үөрэхтэр баалларын билэн-көрөн, астынан-дуоһуйан кэллилэр.

     

    Тэрэлээй бирииһигэр өрөспүүбүлүкэтээҕи мас тардыһыы

                           Муус устар 16-17 күннэригэр Н.П. Свинобоев -Тэрэлээй бирииһигэр аһаҕас мас тардыһыы күрэҕэ буолан ааста. Республикаттан 10-ча хамаанда, 72 күрэхтэһээччи кэлбит. Ол иһигэр, Уус-Алдан Бороҕонуттан, Арыылааҕыттан, Тааттаттан Ытык Күөл, Томпоттон Кириэс-Халдьаайы, Саһыл, Мэҥэ-Хаҥаластан Төхтүр, Россолода, Балыктаах, Матта хамаандалара күрэхтэстилэр. Анаабыр курдук ыраах сиртэн анаан-минээн кэлэн кыттыбыттара барыбытын сөхтөрдө.

    Икки күннээх күрэх түмүгүнэн Матта хамаандатыттан Андросов Илья 70 киилэҕэ, Брызгалов Коля 35 киилэҕэ I миэстэҕэ таҕыстылар. Бурнашев Вася 65 киилэҕэ II миэстэ буолары ситистэ. Муҥутуур ыйааһыҥҥа сүрүн бириис Уус-Алдан хамаандатыгар барда.

    Күрэх үрдүк тэрээһиннээхтик ааспыта күрэхтэһээччилэри да, көрөөччүлэри да астыннарда.

    Тэрэлээй бирииһигэр республиканскай мас тардыһыы призердара:

    Ыйааһын

    1 миэстэ

    2 миэстэ

    3 миэстэ

    35 киилэҕэ

    Коля Брызгалов (Матта)

    Петя Кычкин (Балыктаах)

    Андрей Находкин (Матта)

    40 киилэҕэ

    Данил Филатов (Таатта)

    Игорь Степанов (Томпо)

    Лука Говоров (Балыктаах)

    45 киилэҕэ

    Максим Дохунаев (Балыктаах)

    Антон Туприн (Анаабыр)

    Петя Яковлев (Томпо)

    50 киилэҕэ

    Иван Петров (Россолода)

    Степан Гоголев (Бороҕон)

    Егор Иванов (Уһун Күөл)

    55 киилэҕэ

    Владимир Желобцов (Балыктаах)

    Анатолий Окоемов (Уус-Алдан)

    Егор Ушницкий (Ытык-Күөл)

    60 киилэҕэ

    Рудольф Жирков (Уус-Алдан)

    Иван Бурцев (Уус-Алдан)

    Георгий Малышев (Ытык-Күөл)

    65 киилэҕэ

    Василий Андросов (Ытык-Күөл)

    Василий Бурнашев (Матта)

    Эрхан Бояров (Ытык-Күөл)

    70 киилэҕэ

    Илья Андросов (Матта)

    Дьулус Дегтярев (Бороҕон)

    Петр Сергеев (Россолода)

     

    “Сааскы каникул”

                       Кулун тутар 24 күнүттэн 31 күнүгэр диэри кылгас да буоллар кэтэһиилээх каникулбут түргэн үлүгэрдик элэстэнэн ааста. Оскуола оҕолоро ким Суоттуга сырылыы, ким Дьокуускай куоракка сынньанан, ким аймахтарыгар күүлэйдээн кэллилэр. Ол курдук, үрдүкү кылаас оҕолоро сааскы каникулларыгар араас консультацияга, репетиторга, сылдьан сынньалаҥнарын туһалаахтак атаардылар. 9-10 кылаас үөрэнээччилэрэ туттарсыахтарын баҕарар үөрэхтэрин кыһатын уонна уопсайдарын көрөн кэллилэр. Орто сүһүөхтэртэн 5, 6, 7  кылаастар Дьокуускайга кылааһынан күүлэйдээн, сынньанан кэллилэр, оонньоон-көрүллээн сынньалаҥнарын умнуллубаттык атаардылар.

    Каникул кэмигэр “Мөҥүрүөн кэскилэ” оҕолор түмсүүлэрэ Майа сэлиэнньэтигэр баран “Содружество. Единение” диэн ааттаах коммунарскай сборга ситиһиилээхтик кыттан, бэйэлэрин көрдөрөн, элбэҕи билэн кэллилэр. Видеоролик күрэҕэр оҕолор бэйэлэрэ идеялаан, монтажтаан, таҥан оҥорбун роликтара 3 миэстэҕэ тиксэн үөрүүлэрэ муҥура суох.

     

    ГТО туттарыы

                      Кулун тутар 31 – муус устар 1 күннэригэр Дьокуускай куоракка “Дохсун” спортивнай комплексыгар олус элбэх оскуоланы бүтэрээччи мустубут. Матта оскуолатыттан Данилов Альберт Лазаревич салайыытынан Филиппов Алеша, Бурнашев Вася, Андросов Айаал бэйэлэрин холонон көрдүлэр. ГТО туттарыы БКЭ түмүгэр баал эбэрэ Республика араас муннугуттан сүүһүнэн үөрэнээччилэри түмпүт. Биһиги уолаттарбыт үһүөн алтан мэтээли туттулар. 

     

     “Кычкинские чтения”

                   Томпо улууһун Хаандыга бөһүөлэгэр ыытыллыбыт Саха норуотугар, дьон туһугар олорон ааспыт биллиилээх салайааччы Е.Д. Кычкин аатынан научнай ааҕыыга биһиги оскуолаттан үс үөрэнээччи кыттыыны ыллыбыт – Кычкина Таня, Протопопова Тоня уонна мин. Егор Дмитриевич Томпо улууһугар үлэлии, олоро сылдьыбыта. Биһиги оскуолабыт Е.Д.Кычкин аатын сүгэринэн киэн туттабыт. Хаандыга бөһүөлэгэр түүнү быһа айаннаан, үс улууһу уҥуордаан, сылайан-элэйэн да тиийдэрбит ситиһиилээхтик кыттыбыппыт. Биһиги “Кыычыкыын ааҕыыларыгар” саамай ыраахтан кэлбит ыҥырыылаах ыалдьыттар этибит – Хаандыга олохтоохторо олус сылаастык көрсүбүттэрэ. Конференция түмүгүнэн миэхэ Хаандыга баһылыга туруорбут анал бирииһин туттарбыттара.

     

     

    Находкин Андрей,

    Матта орто оскуолатын

     5 кылааһын үөрэнээччитэ

     

    “Үрүҥ Уолан”

                   Сылын аайы ыытыллар “Үрүҥ Уолан” күрэх быйыл бэйэтин түһүлгэтигэр үгүс дьону-сэргэни муста. Матта оскуолатын уолан уолаттара, эр бэртэрэ бэйэлэрин кыахтарын холонон көрдүлэр. Манна 1-11кылааска диэри үөрэнэр уол  бука бары кытыннылар.

    Наартаны ойуу, тутум эргиир, үс төгүл үс о.д.а. көрүҥнэргэ кыахтаах, эрэллээх уолаттар бэйэ-бэйэлэрин кытары бастыҥы быһаарар туһугар күрэхтэстилэр. Маҥнай алын сүһүөх кылаастарга ыытылынна. Манна үгүс көрүҥ ааһан бастыҥнарынан Кычкин Матвей, Захаров Ян, Протодьяконов Аян буоллулар. Орто уонна улахан сүһүөх үөрэнээччилэригэр бэрт уһун, тыҥааһыннаах киирсии түмүгэр 1-кы миэстэни Брызгалов Коля, 2-һи Кудинов Дима, 3-һү Шергин Дьулустаан ылан кыайыылааҕынан ааттаннылар.

    Маннык күрэх уолаттары түмэр, сомоҕолуур эрэ буолбакка, өбүгэ үгэһин үйэтитэр, барытыгар-бары бэлэмнээх буоларга үөрэтэр эбит.

     

    “Слет отличников и ударников”

                     2015-2016 үөрэх дьылын бастыҥ үөрэнээччилэрэ ааттаннылар. Кулун тутар 4 күнүгэр Матта нэһилиэгин Сынньалаҥ киинигэр үчүгэй үөрэнээччилэри чиэстиир дьоро киэһэ ыытылынна. Бастыҥ үөрэнээччилэргэ  Е. Д. Кычкин аатынан анал стипендиялары туттартаатылар. Матта орто оскуолатыгар быйылгы үөрэх дьылыгар 31 туйгун уонна үчүгэй үөрэнээччи үөрэнэр. Кинилэр истэригэр бастыҥ спорсменнар, активистар ааттаннылар.

    Биэчэр иккис аҥара саҥа тахсыбыт кинигэ сүрэхтэниитигэр ананна. Киэһэни ыҥырыылаах ыалдьыттар бэйэлэрин кэпсээннэринэн, ахтыыларынан киэргэттилэр.

     

    “Мин ийэбинээн”

                      Сылын ахсын ыыталлар “Мин ийэбинээн” куонкурус кулун тутар 5 күнүгэр Матта сэлиэнньэтин Сынньалаҥ киинигэр ыытылынна. Куонкуруска уопсайа 4 дьиэ кэргэн кытынна. Вера Егоровна Гоголева кыыһа Надялыын, Мария Гаврильевна Павлова кыыһынаан Владалыын, Анжелика Константиновна Петрова кыыһыныын Камилалыын, Светлана Васильевна Шергина сиэниниин Анита Романовалыын кытыннылар. Бэйэни билиһиннэрии, торт астааһын, талаан уонна эбии үөрэхтээһин, спорт сылынан нэһилиэк биир биллэр киһитин сырдатыы курдук түһүмэхтэргэ күрэхтэстилэр.

    Конкурс түмүгэр бары кыттааччыларга анал ааттары, сыаналаах бириистэри туттартаатылар. Вера, Надя Гоголевалар кыайыылаах үрдүк аа

    Форма входа
    Поиск
    Календарь
    «  Октябрь 2018  »
    ПнВтСрЧтПтСбВс
    1234567
    891011121314
    15161718192021
    22232425262728
    293031
    Статистика

    Онлайн всего: 1
    Гостей: 1
    Пользователей: 0

    Copyright MyCorp © 2018
    Сделать бесплатный сайт с uCoz